Monday, November 4, 2013

காதலின் அறிகுறி..



இறக்கையுடன் தேவதையை
பார்க்கும் போதெல்லாம்,
இதயம் பறந்து
அவளை சுமக்கத் துடிக்கும்..

காதலின் அறிகுறி..
Download As PDF

ஒரு ஆதாமின் ஆசை..

நிஜமொன்று
நிழலுக்காக
காத்திருப்பதும்..



விழிகளை தேடுவதும்..

கண்டால் புன்னகைப்பதும்,

கைப்பிடித்து நடக்கையில்,
காலத்தை வென்றதாய் உணர்வதும்,

பிறப்பின் அர்த்தம் புரிந்ததாய்,
சாதிக்க எதுவுமின்றி,
தொலைவதும்,



நாழிகைகளை ஈன்றெடுத்து,
பூமியை தொலைவிலும்,
நிலவை அருகாமையில் தேடுவதும்..

இருதயம் பூப்பதும்,
அதன் இறக்கைகளில்
அவளை சுமந்து பறப்பதும்,

காதல்..
ஆதலால் காதல் செய்வீர்..



Download As PDF

Wednesday, July 17, 2013

பாதையில்லா முகவரிகள்..

மக்கள்,
மண்ணுலகம் அழிந்து விடுமோ!
என்று காத்திருந்த போது,
நானே நிலவு அழிந்து விட வேண்டும்..
என்று காத்திருந்தவன்..
எல்லாம் ஒருவித நம்பிக்கைகள்..



நிலவின் தேவதை,
பூமியை தஞ்சம் அடைவாள் என்றும்..
நான் அவளை சந்திப்பேன் என்றும்..
நிலாவிற்கு,
பூமிக்கும்,
ஒரே முகவரி,
ஒரு பாதையில்லா முகவரி,
நீலவானம்..

கவிதை
எழுதி எழுதி
கசக்கி எறிந்த
காகிதங்கள்
நீலவானத்தில்
நட்சத்திரங்களாய்..



இமைகள் கதவுகள்
இரு விழி நினைவுகள்,
நித்திரை உலகம்..
பாதையில்லா முகவரி,
கனவுகள்..
காதல்..

சரியில்லை
சரியில்லை..


சரிவராத,
இக்கவிதையையும்,
கசக்கி எறிகிறேன்..

நீலவானம்
நீண்டு கொண்டே போகிறது..
காரணம்,
என் காதலும்
சரிவராத கவிதையும்..



உனக்கான அழகான கவிதையை,
சற்றே யோசித்து கொண்டே இருக்கிறேன்..

தூக்கத்தை தொலைத்தவனுக்குத்தான்
கனவுகள் வருவதில்லையே..
கவிதைகள் மட்டும் எப்படி..

புரிந்தது...
பாதையில்லா முகவரியில்,
பயணிக்கிறது ஒரு கவிதை..
நான் பூமி...
அவள் என் தேவதை..

Download As PDF